Ano ang hangganan ng amor at awa?
Ano ang hangganan ng mabait at tanga?
Hanggang saan nga ba ang hangganan?
Maraming beses nasaktan ka na
pagpapaubaya pa rin ang kayang gawin tuwina.
Pinipili mo lang maging mabuti kaysa maging tama.
Ngunit kung paulit ulit ginagawa
iyung alam na kung saan ka nasasaktan.
Malalampasan pa ba ang sumpa
ng labing-talong kamalasan?
Ayoko ng ganito, gagawin niya iyon.
Gusto ko sana ito, iyon ang iiwasan sa iyo.
Huwag mo ng gawin iyan, hindi ka pakikingan.
May sasabihin sa iyo pero di naman ginagawa.
Pinamumukha sa iyong may mas magaling na iba
sa maraming beses, kaysa sa iyo ay mas pinili
siya.
Ikaw itong nagpapakahirap at nagpaparaya
pero ikaw pa ang tila binabale-wala.
Mayroon mang mga bigay na sa iyo’y nagpapasaya
ngunit pagkalipas niyon ay may kapalit pala.
Ang lahat ng mga ito sa iyo ay nananalasa.
Kaya gaano kasakit at sa wakas ika’y magsalita
dahil ang kabutihan ay hindi laging tama.
Baka panahon na nga na magbago ka na.
Baguhin ang pagkatao, ang bagong ikaw na.
No comments:
Post a Comment