MGA BAGONG NORMAL

Nasa panahon tayo ngayon na kailangan nating magbago sa ilang mga kasanayan mula sa kinagisnan natin.  Ginulat tayo ng pandemniya na hatid ng COVID-19 at hindi tayo sanay sa mga pagbabago ngunit kailangan nating gawin.  Narito ang mga pansarili kong bagong normal na gusto kong ibahagi upang makapag-bigay opinyon na maaaring paglinayan.

1. Sikaping manatili sa loob ng bahay habang nakapailalim ang lugar natin sa tinatawag na quarantine.  Mahirap ito ngunit kailangan nating gawin.  Dahil ang mikrobiyo ay nasa paligid-ligid lamang sa labas, huwag nating itong dalhin sa loob ng bahay.

2. Ugaliin ang kalinisan.  Palaging linisin ang mga kamay dahil ito ang unang-unang pinakaposibleng daan upang makapasok ang mikrobiyo sa loob ng katawan.

3. Sikaping huwag hawakan ang mukha.  Maaari kang humanap ng sariling-paraan upang maiwasang madampi ang mga kamay sa pinakasensitibong bahagi ng mukha.  Ang paggamit ng maliit na patpat na nakatago sa bulsa ay maaring ipangkamot sa pangangati ng ilong at bibig.

4. Kada araw, maaari kang gumawa ng gawang-bahay na pamatay-mikrobiyo (homemade disinfectant).  Marami kang pagpipilian sa internet kung paano gumawa nito.  Wisikan / o punasan nito ang mga bagay sa loob ng bahay na pinakamadalas hawakan tulad ng pinto, pihitan ng mga kasangkapan/aparato, lamesa at upuan, gripo, pihitan ng ilaw, atbp.

5. Pag-aralan ang mga transaksyon na hindi na kailangang lumabas ng bahay o magbayad sa pamamag-itan ng pera.  Ito ay tulad ng pagbabayad sa mga bayarin sa bangko, kuryente, tubig, telepono, online shopping, pagpapadala ng pera, atbp.

6. Iwasan muna ang magpunta sa ibang bahay upang makipagkamustahan kahit sila ay iyong kamag-anak o kaibigan.

7. Kung kailangang lumabas ng bahay upang bumili ng mahalagang bagay tulad ng pagkain o kailangang maghanap-buhay, palaging magsoot ng mask upang hindi ka makasagap ng mikrobiyo.

8. Huwag dumikit sa kapwa, panatilihin ang pag-itan mula sa kapwa-tao (social distancing).

9. Habang nasa labas ng bahay, iwasan ang humawak sa mga bagay-bagay upang mapanatili mong malinis ang iyong kamay.  Magbaon ng panglinis ng kamay kapag kailangan mong humawak sa hindi maiiwasang bagay tulad ng ATM machine.

10. Palaging maglinis ng katawan kapag nanggaling sa labas.

Ginagawa ng gobyerno ang pagbalangkas ng mga bagong “normal” tulad ng bagong anyo ng transportasyon sa barko, eroplano, train, bus at tricycles.  Napakalaking hamom ito kung maipapatupad sa sandaling bumalik na ang dagsa ng mga tao sa kalsada, pamilihan at abangan ng sasakyan.  Bagamat malaki ang ating pagdududa na masusunod ang mga ito at mistulang ito ay parang pangarap lang, kailangan ng mga mamamayan na mag-tiis, sumunod at makibagay upang magawa ang mga ito lang-alang sa kaligtasan ng mas nakararami.  Kailangan nating magbago upang tumugma tayo.