Heto ang mga standard at madalas ipang-sagot ng mga solid DDS at
Dutertards sa diskusyon: “Ikaw na ang
mag-Presidente”, “Ano ambag mo” o “Ano nagawa mo?”, “Puro kayo reklamo”, “Magkano bayad say o?”,
“Tumulong ka na lang” at “Dilawan / Adik ka”. Nakakasawa na ang mga ito na parang sirang plaka na paulit-ulit, pero meron akong standard na sagot sa mga ito:
1. Ikaw na magaling. Ikaw na mag-Presidente! – Deal.
Kung bibigyan ako ng chance, bakit hindi. Para ang unang-unang gagawin ko alisin ko mga
toxic sa gobyerno at mga taong panatiko.
At para iyung mga ayokong ginawa niya ay maitama o mabago ko unang-una
na ang sobrang pagpabor sa China. Hindi
ako kasing-galing ni Marcos, Ramos, Rojas, o ni Magsaysay, pero sa tinatakbo ng gobyerno ngayon, palagay ko mas makakatulong yung mga gusto kong gawin.
2. Ikaw, anong ambag mo? Anong nagawa mo? Anong naitulong mo? – Meron
pero hindi na magandang sabihin pa kung ano-ano yun. Hindi ako iyung tumatayo sa unahan upang
pangunahan ang isang gawain o aktibo sa pang-purok na gawain pero sa sarili
kong paraan ay may naiaambag din naman ako.
Siguro dapat kong ibalik ang tanong, sila – anong ambag nila? Eh exempted nga sila sa tax. Tapos, madalas puro problema pa mga bigay ng
mga yan: magulong pamilya, away- motorista, pasaway na tambay, snatcher, tulak
ng droga, maraming anak… etc. Magpunta ka sa pinakamahihirap at magugulong lugar, naruon ang karamihan ng solid DDS.
3. Magkano bayad sa iyo? – ito yung
bigla kang mapapaisip na, teka sino nga ba ang kilalang bayaran? Sino ba ang may kakayahang magbayad? Sino ba ang nagpauso ng troll at sino ba ang
may troll?
4. Puro kayo reklamo! – Hindi naman dahil nagsasalita ka ay
nagrereklamo ka na. Hindi ba pwedeng may
napanpansin ka lang? Kaya ka nagsasalita
ay gusto mong tulungan ang sitwasyon na itama.
Kung hindi magsasalita paano malalamang mali pala ang ginagawa
nila? Kung tutuusin mas mabuti na yung
masabihan kang reklamador kaysa masabihang parang mga zombie na puro sunod na
lang. Mabuti na lang, nagreklamo sina
Jose Rizal, Marcelo Del Pilar, Graciano Jaena kaya natapos ang pagmamalabis ng
mga Kastila nuon.
5. Tumulong ka na lang / Bakit hindi na
lang sumuporta? – Kapag sinabi mo ang nakikita mong mali para sa ikagaganda,
nakatulong ka na. Simpleng mamamayan ka lang naman para magkaroon ng posisyon
kaya mabantayan mo man lang mg anangyayari ay nakakatulong ka na. At bakit mo naman susuportahan ang mga
kayabangan at paghahari-harian ng mga taong nakapalibot kay Duterte, ejk,
pambabastos sa babae, pagmumura, pagiging diktador, pagpasok ng China, pagkalat
ng mga fake news, at pagtawag ng istupido sa Diyos?
6. Dilawan ka! / Adik ka! – Mas tanggap
ko ng tawaging yellowtard kesa Dutertards dahil mas may lalim at katotohanan
ang mga argumento nila. Kung tutuusin
kapag sinabing dilawan ka, sakop mo na ang lahat ng oposisyon kaysa nasa side
ka lang ni DU30 kaya mas pro-Pilipinas ka.
At mas ok na ang tawagin kang adik na mayroong lunas kesa tawagin kang
engot na walang gamot. At kasunod kapag
tinawag kang dilawan o adik, sasabihan ka pa ng layas!, hindi ka makabayan, at
kung nau-ano pa. Eh di kayo na.
7. @%Λ$(*^%# ₼Ø at Iba pang
mga sumpa – ito yung nasa puntong matatawa ka na lang. Hopeless at helpless na kasi sila sa
argumento. Kasunod talaga ito nung #5,
pagkatapos sasabihan ka ng “mamatay ka na”, “tarantado”, “gago”, “salot”,
“pakshet” at ibat-iba pang mura o kaya’y kabastusan na. Kapag ganito matuwa ka dahil wala na silang
maipuntos at tapos na ang laban, kaya.. and the winner is YOU.
Iyung totoo, kilala silang bastos, mababaw, palalo, pala-away,
matatapang at hindi magpapatalo. Bakit
kaya sila ganun? Bakit ang baba ng
tingin natin sa mentalidad nila? Dahil
sila na rin kasi ang may kasalanan dahil nagpakabulag sila. Sila na rin ang gumawa kung ano ang tingin sa
kanila ngayon kasi nagpakataas sila na ayaw amining mali sila.
16MvsMe
No comments:
Post a Comment